ГӏалгӀайчен Кулгалхочо СВО бейнача бӀухой дезалашка паччахьалкхен совгӀаташ дӀаделар
25.03.2025 18:15
Республикан кулгалхочо Келаматанаькъан Махьмуд-Ӏаьлас паччахьалкхен совгӀаташ дӀаделар, Даьхе бахьан шоай синош дӀаденнача бӀухой дезалашка.
Россе Президента амарах совгӀаташ делар, тӀема декхараш кхоачашдеш, денал, майрал гойтача бӀухошта. Царна юкъе вар Гоамакортанаькъан Ӏумар, Хьаьшанаькъан Аслан, зӀамагӀа вола сержант ЧӀимхьилганаькъан Мухьмад. Царна массанена а «Денала орденаш» елар. Цул совгӀа, валарца «Майралах» яха майдилг елар мугӀарерча Харсенаькъан Дауда, хӀаьта Жукова майдилг елар сержанта Зоврбиканаькъан Ислама.
«Уж совгӀаташ белгало я Даьхе бахьан долаш бейнарий сий деш хилара. Турпалхой цӀераш даим юсаргья ГӏалгӀайчен, Россе исторен оагӀонаш тӀа», - аьлар Келаматанаькъан Махьмуд-Ӏаьлас.
