ГӀалгӀайчен Кулгалхочо сий дарца дагалаьцар кхерамзлен гӀулакха болхлой
ГӀалгӀайчен Кулгалхочо, ГӀалгӀай Республике гӀолла йолча Россе УФСБ кулгалхочунца, инарал-майораца Шевляков Максимаца сий дарца дагалаьцар, шоай балха декхараш кхоачашдеш бейна кхерамзлен гӀулакха тӀара болхлой.
Уж ханаш ювцаш, Келаматанаькъан Махьмуд-Ӏаьлас белгалдир, ший воша, ФСБ подполковник Келаматанаькъан Ӏалихан, 2007-ча шера ший балха декхар кхоачашдеш валар.
«Ше мел вах из хилар ший Даьхенна-Россена гӀулакх деш, кхыбола бейна вай кагий нах санна, из вар денал долаш, ший Даьхенна мутӀахьа волаш, ший вахар цо дӀаделар паччахьалкхен хьашташ кхоачашдеш», - аьлар Келаматанаькъан Махьмуд-Ӏаьлас ший вешех дувцаш.
Цо иштта белгалдир, тахан ФСБ болхлой мехка цхьоагӀо хилийтара тӀом латтача моттиге хьалхарча мугӀарашка болга. Цар денал, лакха профессионализм хиларах республике сатем ба, яхаш, дийцар цо.
