ГӏалгӀайчен Кулгалхочо кердача даржаца даькъалавийцар, Россе Турпал Хьоашаланаькъан Султан
ГӏалгӀайчен Кулгалхочун вӀашагӀкхетар хилар Россе Турпалца Хьоашаланаькъан Султанаца, из даькъалавийцар цо кердача гӀулакха тӏа дӀатӀавахийтарца. Гвардейски йоккхийча топий бӀун сура командир хургва вай мехкахо. Хьоашаланаькъан Султан, республикан Кулгалхочо яхачох, «российски эпсара дикагӏа дола масал да, гӀалгӀай къаман курал а я». Цу тайпара хоам «Сердало» газетага бир ГӏалгӀайчен Кулгалхочун зарбан болх лелабераша.
Кхетаче дӀахьош дийцар ЛаьрххӀача тӀема операце (СВО) дакъа лоацаш болча бӀухошта новкъостал дарах. Белгалдир, бӀухой хьалхарча тӀема мугӀарашка мел латтача хана, цар Ӏалашонга хьажар керттера декхар хилар. Республикан Кулгалхочо аьлар, «Даьхен лорабой» яхача паччахьалкхен ганза филиал хиларал совгӀа, республикан еррига министерствош, боахамаш дика дакъа лоацаш да бӀухошта, цар дезалашта новкъостал деча, царна 20 совгӀа долча вахара аьттонех (льготех) дола гӀо деш.
«Аз хьаллоац Султана яхар, вай юкъара декхар да, бӀухой вахар, цар тӀема низ лорабар», - аьлар республикан Кулгалхочо, даим бӀухой хьаллацара, царна эшар лоаттадара кийча хилар белгалдеш. Цо дийхар Хьоашаланаькъан Султанага, бӀухошка шийгара ловцаш, царна даим новкъостал лоаттаде кийча хилар дӀаалар.
