«Массайолча ханашка, ГӀалгӀайчен наьха вахара юкъе хьехархо, ший моттиг дӀалоацаш, цар лоархӀаш, хьавенав. ХӀаьта карарча хьехархочун, хьехамчан шера вайна дика хов, хьехархо мел чӀоагӀа сатем болаш, сабаре, хьаькъале, ший гӀулакхах дог лазаш хила веза. Из цхьанна а кхыча балхаца нийсбергбац. Тахан вай республикан ишколашка къахьегаш ба дукха дика хьехархой, боккъонца бола говзанчаш, цар балхо дика кхетам бенна тӀехье ют вайна. Вай юкъара декхар да, вай кагирхой хьашташ кхоачаш а деш, уж нийсача наькъ тӀа бахар. Цудухьа оаш къаьстта из болх дӀахьош хилар гуш да. Оаха доаккхал ду хьамсарча мехка, ерригача российски паччахьалкхен а декхар оаш иштта дика дӀахьош хиларах», - аьлар Келаматанаькъан Махьмуд-Ӏаьлас, ше къамаьл деш. Мехка кулгалхочо даькъалабийцар хьехархой; «ираз, аьттув, керда толамаш хилда шун вахаре», аьлар цо. Иштта белгалдир, вай республикан хургдола вахар хьакхоллара цар доккха дакъа юкъехьош хилар.