ГӏалгӀайчен Кулгалхочо даькъалайийцар, «Ер Кавказ я» яха ТАССа проект
Ший 10 шу дизар дездеш я «Ер Кавказ я» яха ТАССа проект. ГӏалгӀайчен кулгалхо Келаматанаькъан Махьмуд-Ӏаьлас портал даькъалайийцар, из кхеллача денца.
Ше ловца боккхаш, цо белгалдир, дӀадахача шерашка проект лоархӀаме хиннилга; мах бола истори, Ӏадаташ, культура гойтара майда хинна из дӀаоттарах; ГӏалгӀайче санна иштта кхыча Къилбаседа Кавказа моттигашка а. Мехкадас яхачох, лоархӀаме да, проекта теркама юкъе шоай къахьегамца, начӀалца республика а мохк а дикагӀа бе гӀертача наьха истори хилар .
«4 эзар совгӀа материал, итташ эзараш хоамаш, йоазош - цу дерригане хьакхеллар Къилбаседа Кавказа мехкий вахара куц. Аз баркал оал берригача цун болхлошта, уж шоай гӀулакх иштта дика дӀахьош хиларах, республикаца бувзам болаш уж хиларах», - язду ший бувзама оагӏонашка республикан Кулгалхочо.
Юххера а, цо ловца баьккхар тоабо кхоллама толамаш дахар ловш; тешшаме бола дешархой кхы а дукхагӀа хилба шун, аьнна.
