ГӏалгӀайчен Кулгалхочо цӀайца даькъалайийцар ГӀР Росгварде урхалле
Россе тушола бетта 27-ча дийнахьа белгалду къаман гварде бӀун Ди. ГӏалгӀай Республике гӀолла йолча Росгварде урхаллен ветеранаш,бӀухой даькъалабийцар Келаматанаькъан Махьмуд-Ӏаьлас.
Ше кхайкарал деш, Мехкадас белгалдир къаман гварде мугӀарашка денал а, майрал а, иштта бехктокхаме хилар а эшилга, цул совгӀа шоай Даьхе езаш хилар а.
«Тахан Росгварде тӀема гӀулакх дIахьочар шоай гӀулакхашца хьагойт, Даьхе лораеш латтачар тӀема наькъаш тешшаме, чӀоагӀа лорадеш хилар», - аьлар Келаматанаькъан Махьмуд-Iаьлас.
Региона Кулгалхочо иштта белагалйир росгвардейций балха лоархӀамегӀа йола моттигаш, цар СВО тӀема мугӀарашка сийца шоай тӀема декхар кхоачашдеш хилар.
«Хьамсара росгвардейцаша, шун цӀайца аз даькъалдувц шо, баркал оал шоана оаш иштта Даьхен мутӀахьа долаш служба дӀахьош хиларах!», - аьлар Келматанаькъан Махьмуд-Ӏаьлас, белгал а деш бӀухоша юкъарлон кхареамзле, цхьоагӀо лелаеча доккха дакъа юкъедена хилар.
