ГӏалгӀайчен Кулгалхочо кхалнах даькъалабийцар тушола бетта 8-ча денца
Дунен халкъашта юкъера кхалнаьха ди долаш, ГӏалгӀайчен кулгалхочо Келаматанаькъан Махьмуд-Ӏаьлас кхайкарал дир кхалнахага, дег чура доагӀача дӀайхача дешашца. Ше ловца боаккхаш, цо аьлар, гӀалгӀай кхалнаха керттера дакъа дӀалоацаш хиларах вай мехка мах бола культуран тӀехьале лораеча, из дегӀайоалаеча даькъ тӀа.
«Къаьстта уж ба вай цӀен кхуврч бӀайха лоаттабераш, гаргарча наьха могашал лораераш, цӀагӀа лостам, цхьоагӀо лоаттаераш. Мел доккха дукъ цунна тӀалатташ хиларах, кхалсаг массахана хиннай эггара хозагӀа йола дунен сердало», - аьлар Келаматанаькъан Махьмуд-Ӏаьлас.
Цо иштта белгалдир кхалнаха дукха хӀама карагӀдаьнна хилар, уж карагӀдаьннараш тӀехьа тӀайоагӀача тӀехьенна дутараш уж ба.
Къаьстта теркам тӀабахийтар цо лаьрххӀа йола тӀема операци дӀахьош болча бӀухой ноаношта, цар денал, майрал белгалдеш.
«Царна эггара халагӀа да, хӀана аьлча наьна дог ший дезалах ца дийлхача Ӏергдац. Баркал шоана турпалхой кхебарах», - аьлар цо.
