ГӀалгӀай къаман
юкъара газет

Кердадараш

ГӀалгӀайчен Кулгалхочо МагӀалбика бахархой даькъалабийцар шахьара Денца

ГӀалгӀайчен кулгалхочо Келаматанаькъан Махьмуд-Ӏаьлас дег чура даькъалабийцар МагӀалбика бахархой шахьара Денца. Цо белгалдир, ерригача ГӀалгӀайчено тӀема сийлен шахьара карагӀдаьнначох доаккхал деш хилар.

«Хьамсара МагӀалбика бахархой! Дег чура даькъала дувц шо МагӀалбик-Шахьара Денца! Шахьар Ӏойилла 90 шу доал. Из ГӀалгӀайчен юкъара цӀай да, хӀана аьлча гӀалгӀай халкъа турпала истори дувзаденна да вай дерригача къаманца. Цу тӀема сийлен шахьаре, Сийлахь-боккха Даьймехка тӀом латташ, моастагӀа юхатехав. Укхаза къахьегаш а бахаш а хиннаб дика нах, шоай начӀалца, деналца, майралца царех хӀаране шийгара дакъа юкъедихьад цига лаьттача тӀем тӀа котало яккхара. Вай доагӀаш доаккхал ду цун лоархIамеча моттигех, дикача исторех, мехкахошта карагӀдаьнначох, даьхача толамех, вай хургдолчох. Воашта могар ду республика дика дегӀайоалаеш, керда таронаш хьаеллаш, балха моттигаш Ӏалашъеш, вай мехка хӀама хьадергдола нах юкъебоалабеш. Шахьара куц-сибат кӀезиг-кӀезига дегӀадоагӀаш латт. Укх хозача дийнахьа аз дег чура даькъала бувц вай мехкахой, МагӀалбик кхы а хозагӀа дегӀаяр деза сона. Ираз, аьттув, могашал, таро ма эшийла вай ерригача Республиканна!» — йоах ГӀалгӀай Республикан Кулгалхочун кхайкарал тӀа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде