«Тахан вай массане дездер доккха ди да - РФ Конституци тIаийца 30 шу дизад. Дерригача къамо, хоржамашка дакъа лоацаш, дIадихьа гIулакх да из»,- белгалдир Мехкадас. Иштта цо хьоахадир, конституционни лоархIаме моттигаш теркалъеш, наьха вахара хьал аттачахьа доаккхаргдола реформаш дIакхухьаш, РФ гIулакх дерригача мехкашта хьалхашка тоаде гIерташ, боккха болх дIакхухьаш латтилга.

«Боккхача мехка законаш лорадеш, хIара денна къахьегама наькъ тIа йолаш дIайодаш латт вай республика тахан. Конституцеца дувзаденнараш лоархIаши кхетадеши ба вай мехкахой, цунга хьежжа, берригача мехка оагIув хьаллоацаш, дикаш доаржадеш, къахьегаш ба.

Тахан латтача атта йоацача хана, кхетаде деза вай массане, мехка моттиг тоаяра тIехьа хIаране дакъа лаца дезилга, экономически, политически хьал тоадара тIехьа къахьегар мел лоархIаме да, - йоах, ший къамаьла юкъе, Мехкадас. - Ираз, аьттув болаш дахалда шо! Аз дег чура даькъала дувц шо укх доккхача денца! Вай къаман, берригача мехка хьал тоадеш дIадаха низ хилба шун!»