ГӀалгӀай къаман
юкъара газет

Кердадараш

Мехкада: «Ерригача Ӏаьдала балха моттигий декхараш белгалдергда президента»

Ӏадала болхлой декхараш белгалдеш дола къамаьл дир селхан РФ президента Путин Владимира Федеральни Гулламга. Из хьалххе хьоахадир вай Мехкадас Келаматанаькъан Махьмуд-Ӏаьлас. Тха «Сердало» газетага из хоам бера Мехкадаь зарбан болх лелаберашкара.

«Массехк шера Ӏаьдала болхлоша кхоачашде дезача декхарех дувцаргда цу къамаьлаца. Росси санна болча боккхача мехка кулгалдар - аттача декхарех дац къаьстта тахан, вай мехка тӀагӀертараш болча хана. Малхбузе кхетаду, Путин Владимир санна вола кулгалхо хьалхалаттача хана, Россецара хӀама шоашта хеттача беса атта хургдоацилга», - язду вай Мехкадас ший телеграм-оагӀон тӀа.

Мехка кулгалхочо белгалдир, ше дергдолча къамаьла юкъе Путин Владимира, РФ хьал хӀара денна тоадалара тӀехьа дола доккхий декхараш оттадергхилар. Наьха вахара оагӀув хьаллоацаргбараш юкъедоаладергда вай президента, хӀана аьлча РФ наьха вахара хьалаца дувзаденнар эггара керте увттадеш, из тоадара тӀехьа боккха болх дӀахьош хьавоагӀа Путин Владимир.

«Сона хетачох, Украинерча тӀема операцеца дувзаденна дола кердадараш белгалдергда вай президента. Ма дарра аьлча, тӀехьарча шерашка вай мехка нийсъеннача халонаша юха а хьагойтар массанена, Путин Владимир ший мехка боаггӀача боараме доал деш, цун хьал тоадеш, лакха толамаш доахаш хьавоагӀа президент волга. Россе президента дергдола къамаьл - ерригача Ӏаьдала балха моттигий дӀадахьа деза декхараш, кхоачашде дезараш чулоацаш да», - белгалдир вай Мехкадас.

Теркалде деза, вай къаман мехкахой президента дергдолча къамаьлага ладувгӀа кийчбенна, цунга хьежаш хинналга. Дукха тайп-тайпара хувцамаш нийслуш латтача укх таханарча хана, къаьстта лоархӀаме да вай боккхача мехка президента оалар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде