ГӀалгӀайчен Кулгалхочо дакъа лаьцар, Д. А. Медведева кулгал деш, дӀайихьача кхетаче
ГӀалгӀайчен кулгалхочо Келаматанаькъан Махьмуд-Ӏаьлас дакъа лаьцар Россе Совбеза Председатела заместитела Д.А. Медведева кулгал деш дӀайихьача кхетаче, яхаш, дийцар «Сердало» газетага мехка кулгалхочун зарбан болх лелабераша.
«Шолжа-ГӀалий тӀа вера балхаца дувзаденна Российски Федераце кхерамзлен Совета председатела заместитель Медведев Дмитрий. Къилбаседа Кавказа федеральни даькъ тӀа викал волча Чайка Юрий Яковлевичаца, иштта новкъосташца - СКФО чуйоагӀача моттигий кулгалхошца заседане дакъа лаьцар, цига дийцар Российски Федераце Герзашцарча низашка хувцамаш дарах», - аьлар ший телеграм-канале Макшарипа Махьмуд-Ӏаьлас.
Из лоархӀаме кхетаче дӀахьош Дмитрий Анатольевича белгалдир дӀадахача шера хинначоа юхе контрактах болча бӀухой мугӀараш лаьгӀденнадац, аьнна, массайолча российски паччахьалкхен моттигашка из хьал тӀакхийтта мара тӀерадоалаш дац.
Белгалдаккха дезаш да, ГӀалгӀайче контрактах тӀема гӀулакх дӀадахьар кагирхой теркам чӀоагӀа тӀаозаш да, цудухьа тахан, мехка эскара мугӀарашка дукха ба республикан викалаш.
