«Турпала Никъ» яхача оагӀонга дехараш чудала тӀахьех Мехкадас СВО ветеранаш
14.03.2025 12:03
СВО ветеранашта лаьрхӀа «Турпала Никъ» яха программа я вай мехка укх бетта дӀайолаяь. Вай мехкадас Келаматанаькъан Махьмуд-Ӏаьлас тӀема операце доакъашхой тӀахьех из аьттув карара ца боалийташ, дакъа лоацаш, дехараш чудалара.
Республикан кулгалхочо теркалдир, из программа боккха аьттув луш йолга: лоархӀамеча проекташка дакъа лацар, лакхача говзанчашца хьехамаш дӀадахьар, стажировкаш, иштта кхыдараш а.
Белгалде деза «Турпала Никъ» яхача программе чакхдаьккхачунга хьежжа, мехкара кулгалдара тоабаш вӀашагӀйохкаргхилар. ХьатӀабоагӀача бетта 1-гӀа ди тӀакхачале, чудала йиш я дехар.
