Наьсарен кхален моттигашка тоадеш латтача наькъий хьал техкар мехкадас
Вахарера моттигаш тоаярах йолча къаман проектага, иштта федеральни, моттигерча программашка гӀолла тоадеш латтача наькъий хьал техкар вай мехкадас Келаматанаькъан Махьмуд-Ӏаьлас.
«СурхотӀе - Алхасте» яхача, тоабаь баьннача 12 километрага кхоачаш болча наькъага хьежар из. 2026-ча шерарча ахкан шоллагӀча бетта кийча хила безаш ба беррига никъ.
Наькъий хьал боаггӀача боараме, кхерам тоссаш доацаш, тешаме хила дезилга белгалдир реcпубликан кулгалхочо.
«ХьалхагӀа машинашца леларий хьал дукхагӀа дагадоаллар вайна, хӀаьта тахан гӀаш леларий уйла е еза вай, тоадаьча наькъашка гӀашлой моттигаш къоастаеш боаггӀача боараме болх чакхбаккха беза», - белгалдир Мехкадас.
Иштта мехка кулгалхочо Наьсарен кхален хьакимашта тӀадиллар; СВО доакъашхой ковнашта тӀадолхаш дола наькъаш тоаде, аьнна. Цу наьха вахара хьал дика хила дезилга белгалдир мехкадас.
Къаман проект болх бе йолаеннача 2019-ча шера денз, Наьсарен кхале 142 км кхоачаш наькъаш тоадаьд.
