Гӏалгӏайчен Кулгалхочун республикан бахархошца телевидене гӏолла къамаьл хургда
Гӏалгӏай Республикан кулгалхочун Келаматанаькъан Махьмуд-ӏаьлий вай бахархошца телевидене гӏолла къамаьл хургда, цо эггара лоархӏамегӏа долча хаттарашта жоп лургда. Из къамаьл дӏахьош хилар бахьан долаш, наьха таро хургья шоашта дагадоахкаш дола хаттараш дала, иштта республикан вахара таронаш хьакхоллара шоашта бакъахьа хетар юкъедахьа. Цхьаккха а хаттар юстара ца дита дагахьа, цига дакъа лоацаш хургба Гӏалгӏайчен Паччахьалкхен викалаш, боахамий кулгалхой, доал деча даькъ тӏара кулгалхой. Уж кийча ба наьха хаттарашта доп дала.
Хаттараш къоастадаьдац - бахархой таро я шоашта керттера хета хаттар дала, уж хургда вахара - коммунальни боахама даькъ тӏара, таронаш во хиларах лаьца, наькъа хьалаш дувцаш, лорий дарбанчешкара хьал дувцаш, дешар дегӏадоаладарах хьакъехьа, иштта моттигашкарча администрацей болх бувцаш.
ӏаьдало белгалду, царех цхьа дехар юстара дусаргдац, кхыметтел цига хьа ца деш диса хаттар а боахамий теркама юкъе хургда, из кхоачашдара тӏахьожам а лоаттабергба.
Хӏанз, бахархой хаттараш гуллуш да, шоай хаттар оаш а дала йиш я укх телефонах + 7(929) 795-78-78 иштта МАХ, Телеграм-оагӏонга гӏолла е чат- ботага гӏолла @lӏnӏya06_bot.
Трансляцега хьажа йиш я «Магас» телеканале эфирага гӏолла дӏахьош долча нахацарча къамаьлага, иштта Гӏалгӏайчен кулгалхочун «ВКонтакте» оалача вахара бувзамашка, къамаьл хургда 88.8 FM радио-эфире а.
