ГӀалгӀайчен Кулгалхочо моттигерча а федеральни а СМИ журналисташца пресс-конференци дӀайихьар
05.12.2023 16:37
Журналисташа дукхагӀча даькъе денна хаттараш дар мехка экономикаца, вахара программа кхоачашъярца, юртбоахамца, таьрахьий технологеца, наькъашца, юкъарча транспортаца дувзаденна. Кхаь сахьатал совгӀа, цунах дийцар, яхаш, хоам бу «Сердало» газетага ГӀалгӀайчен Кулгалхочун, Паччахьалкхен зарбан болх лелабераша.
«2024 шера дукха болх бе безаш да вай, лоархӀаме хувцамаш хиларга сатувсилга а да. Хьалхарча аргӀагӀа Россе Президента хоржамаш, дӀахо республикан 100 дузаш хилар дездар, мехка кулгалхо харжар. Со тешаш ва, ГӀалгӀайчен бахархошца цхьана вай цунна лерттӀа накъагӀоргхиларах», - аьлар мехкадас, хьатӀадоагӀача шера де лерхӀараш дувцаш.
