Республикан кулгалхочун Келаматанаькъан Махьмуд-Ӏаьлан кхетаче хилар мехка бахархошца Россе Президента нах тIаийбеча юкъарча моттиге, цига цар хаттарашка ладийгIар.

Цига хьалхарчарца ера Йоккхача Ачалкхера Ваделанаькъан Люба. Цо дийцар, рейса лелача автобусаца авари яьчул тӀехьагӀа, ше заӀапхо йолаш йисарах, хала пластически операцеш е езарах.

Келаматанаькъан Махьмуд-Iаьлас тӀадиллар унахцӀенон Министерствонна, Москверча А.В.Вишневске цӀерагӀча хирурге центре дарба дара цун Ӏалашо елга, иштта цу кхалсага бӀарчча лорий гIулакх лоаттаделга.

Кулгалхо волча вера Зангенаькъан Руслан а Гӏажарий-Юртара, из ва кхоалагӀча тоаба заӀапхо. Из вар молхаш ца тоъаш хилара латкъаш, мах боацаш уж шийна лоаттаяра бокъо йолаш вале а. Мехкадас тӀадиллар цу гӀулакха тӀахьожам бар а, бахьанаш тахкар а.

Цул совгӀа, бахархой латкъаш бар цӀеношка лифташ болх беш цахилара, иштта тишденнача цӀеношкара керадача фусамашка чубахийтара программаца дувзаденнача кхоачамбоацарашта. Уж деррига дешаш тӀахьожам беш да, карарча хана кхоачаш а дергда.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде