ГӏалгӀайчен Кулгалхо хьежар, Южне хьалъеча берий бешага
Селхан Южне ваха хилар ГӏалгӀайчен Кулгалхо Келаматанаькъан Махьмуд-Ӏаьла. Цига хьалъеш латт 120 моттига лаьрхӀа берий беш. Из хьалъеш я «Юртара доазонаш дегӀадоаладар» яхача паччахьалкхен программах.
ХьалхагӀа цу берий дай лоалахарча юрта шоай бераш ахийта дезаш хулар, цунца ювзаенна йоккхий халонаш нийслора. Из бахьан долаш таханарча заман сийрда, йоккха берий беш хьалъеш я, цо дика таронаш лургья берашта а иштта цар даьшта а вахар аттача даккха.
Хӏанз укх сахьате, цу даькъ тӀа дӀахьош да балхаш. Республикан Кулгалхочо тӀадиллар гӀишлон министра хьабеш болча балха тӀахьожам лоаттабар, вахарца ювзаенна гӀишлош кхераме йоацаш хилийтара.
«Баркал ала лов Россе Паччахьалкхенна, цу тайпара таронаш вайна яларах, даим ше лоттадеча новкъосталца вахара лоархӀаме моттигаш хьалъярах. Нах бебарах хьалхара моттигаш йоахаш долча вайна, геттара а эшаш дар цу тайпара хьалаш», - аьлар Макшарипа Махьмуд-Ӏаьлас.
