ГӀалгӀайчен Кулгалхочун кхетаче хилар, инарал-полковникаца Захаров Сергейца
ГӀалгӀайчен кулгалхочун Келаматанаькъан Махьмуд-Ӏаьлий кхетаче хилар, Къилбаседа-Кавказа даькъ тӀарча РФ къаман гварде бӀун кулгалхочунца Захаров Сергейца, - яхаш, дийцар «Сердало» газетага республикан кулгалхочун зарбан болх лелабераша.
«ЦӀай долча деношка, наьха кхерамзлен Ӏалашо ярах дийцар. Иштта дийцар тахан лаьрххӀа йола тӀема операци дӀахьоча даькъ тӀа латтача вай бӀухошта, цар дезалашта новкъостал де дезаш хиларах лаьца», - аьлар ший телеграм-канале Келаматанаькъан Махьмуд-Ӏаьлас. Цо белгалдир, мехка Ӏаьдало белгалдаьха хаттараш лоархӀаме хилар.
ДӀахо дийцар росгвардейцаша тайп-тайпарча даькъошка денал, майрал гойташ хиларах.
Къамаьл деш, белгалдир, доал деча моттигерча Ӏаьдала болхлоша, Къилбаседа Кавказа даькъ тӀарча къаман гварде бӀун урхалено, мехка Росгварде урхаленца цхьана моллагӀа дола наьха кхерамзленца дувзаденна хьалаш Ӏалашде дагахьа, шоайла бувзам лелабеш хилар.
