ГӀалгӀай къаман
юкъара газет

ЦӀихезача боксёраца Цзю Костяйца, кхетаче хилар вай Мехкадаь

Боксах йола йоккха турнир дӀаяхьарах дийцар вай Мехкадас боксах дунен чемпион волча Цзю Костяйца, Российски спорта менеджер, боксах дола латараш вӀашагӀдохкаш болх дӀакхухьача Хрюнов Владимирца, республикерча бокса федераце президент волча ГӀазгиренаькъан Ахьмадаца, АНО Ӏилман балха психологехи, аддиктологехи йолча «ЛаьрхӀар» яхача керттерча моттига кулгал деча Васинькин Ильяйца дӀайихьача кхетаче.

«ГӀалгӀай паччахьалкхен 100 шу дизара хетаяь, боксах йола йоккха яхь дӀахьоргья вай бӀаьстан тӀехьарча бетта. Доккха совгӀат хургда цох берригача спортсменашта, къаьстта боксёрашта», - белгалдир вай Мехкадас. Хьаьшаша дийцар, политикаца дувзаденнарашта тӀагӀолла, спорта, бокса гӀулакх доаржаде дикка моттиг нийсъеннай, аьнна.

Келаматанаькъан Махьмуд-Ӏаьлас, цар аьннар хьаллоацаш, тӀатехар, республике дунен йоккха турнираш дӀакхихьалга, из гӀулакх дӀадахьа ловш вай мехка цӀихеза спортсменаш ухилга. Цул совгӀа, турнирага кийчо е моттиг а йолаш я Мужеча, эшаш мел долчун кхоачам болаш. Укх массехк шера дукха спортсменаш хиннаб цига кийчо еш. Бокс, тӀехьарча шерашка, вай мехка дикка яржаш латт. Кагирхошта безабенна спорта оагӀув ба из. Иштта йолча яхьаша мехка туристаш а тӀаозаргба.

Мехка хӀара денна болх дӀакхухьаш латт спорта гӀулакх тоадара тӀехьа, ма хулла дукхагӀа кагирхой спорта тӀахьехара. Из декхар вайна РФ президента Путин Владимира тӀадиллад, къонабарашта спорт езаялийта дагахьа. Дукха ха йоацаш аьлар цо, 2030-ча шера Россера 70% нах спортаца бувзам болаш хила беза, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде