RussӀa Today доакъашхошца кхетаче хилар вай Мехкадаь
RussӀa Today тоабан доакъашхошца вӀашагӀкхетар дӀадихьар вай Мехкадас селхан. Дакъа лоацаш хиннараш бар паччахьалкхен моттигашца бувзам лоаттабарах болча оагӀон хьалха латта Мизенаькъан Лида, ТЖК операторий оагӀонна кулгалду Силяев Виктор, тӀема корреспондент вола ГӀазданаькъан Мурад.
Вай мехка уж кхачар RT проекто Россе моттигашца бувзам лоаттабара цхьа дакъа да. Республике вӀашагӀъеллача медиаишколага гӀолла журналисташца, операторашца, зарбан балха доакъашхошца цар балхаца ювзаенна кхетаче дӀахьоргья. Пайда эцарал совгӀа, редакцешка, студешка Ӏомабала аьттув хургба доакъашхой. Мехкадас белгалдир, ший балха тӀа лакхвала безам болча сага из дика аьттув болга.
«Шоай декхараш дика довзаш, начӀал дола болхлой эш вайна тахан массайолча моттигашка, хӀаьта СМИ геттара чӀоагӀа безаш ба уж. Хоамаша дукха хӀама хувц, боаггӀача боараме цу оагӀонца болх дӀабахьа хар лоархӀаме да», - аьлар вай Мехкадас.
