«Хетар, моттар дувцаргдоацаш; гIулакх ма дарра дIадовзийта лов сона. Iаьдала кара ва тахан са воша. Цу гIулакхах бехктокхаме болча болхлоша тохкаш латт из долчча беса, тIеххьара дош судага да», - аьлар Мехкадас ший кхетаче. Келаматанаькъан Махьмуд-Iаьлас белгалдир, воша дIалацарах ший дега боккха бохам хиннабале а, Iаьдало хьаоттаяь бокъонаш хьаллоацаш, цу тIехьа ва ше, аьнна.

«Iаьдал массанена цаI да, из кхетадеш хила веза хIаравар», - аьлар цо. Иштта Мехкадас хьоахадир, мехкарча вахара-экономикан хьалах дувцаш, РФ Президентаца шоаш дIайихьача кхетаченах.

«Мехкара хьал тоалуш латтилга белгалдир Президента, ишттача хьале дIаходаха деза шо, аьнна, белгалдир цо. Гуйран хьалхарча бетта дIахьоргда ГIалгIайчен кулгалхочун хоржамаш; бахархоша, парламенто сай гIулакх хьаллоацаргхиларах теша лов сона», - аьлар вай Мехкадас.