ГӀалгӀайчен Кулгалхочо йоккхача дорхалца дийцар, «Крокус Сити Холле» хиннар
Тахан сарахьа, Подмосковьерча «Крокус Сити Холле» террористаш къизал гойтар, маьршача наха герз детташ. Малаш ба ца хов нах, мичахьара боагӀа ца ховш, цу гӀишлон чу а баьнна, меттахьа герз детта болабеннаб берашта, боккхийчарна, маьршача наха.
ФСБ беча хоамах, боабаьраш 40 совгӀа саг ва, лозабаьраш- 100 совгӀа. Из унзара хьал хала хеташ тӀаийцар ГӀалгӀайчен бахархоша.
Республикан Кулгалхочо Келаматанаькъан Махьмуд-Ӏаьлас кхайкарал дир цунца дувзаденна; байнарий а лозабаьрий а дезалашка, гаргарча нахага кодам бувцаш.
«Унзара хьал да Подмосковьерча «Крокус Сити Холле» эттар. Шоашта могачох кӀалхарбовла гӀерташ, удаш болча маьршача наха, тӀахьежадеш, герз дийттад.
Терроризм бакъъе гӀертарашка аргдар аз, цу суртага хьажа.
ГӀалгӀайче цкъа нийсденна Ӏийнадац цу тайпара терроризма ийрча хьалаш, тхо тешаш да, террористашта доагӀаш дола таӀазар дергда.
ГӀалгӀайчено кодам бувц, террористий къизалах байнарий, лозабаьрий дезалашка», - аьлар Келаматанаькъан Махьмуд-Ӏаьлас.
