ГӀалгӀай къаман
юкъара газет

Кердадараш

Керда гIишлош хьалъе лерхI республике

Ингушетию посетил известный отечественный предприниматель, основатель промышленно-финансовой группы «САФМАР» Микаил Гуцериев. Вместе с Главой РИ Махмудом-Али Калиматовым он встретился с представителями органов власти региона, состоялось обсуждение динамики социально-экономического развития республики, информировали газету «Сердало» в пресс-службе руководителя РИ.

«Хьалъе езача паччахьалкхен филармонех, драматически театрах дийцар вIашагIкхетаре. Из чIоагIо яьяр дукха ха йоацаш РФ культуран министерствонна кулгал деча Любимова Ольгайца къамаьл дIахьош. Цу вIашагIкхетаре Гуциранаькъан Микаила белгалдир, 2023-ча шера Магасе кхо седкъа бола отель хьалъергья, аьнна.

2024-ча шера республике хьалъе йолае лерхI йоккха дарбанче. 2015-ча шера Россе президента Путин Владимира соцам бир, федеральни новкъосталца ГIалгIайче культуран оагIонцара 6 гIишло хьалъе еза, аьнна. 2024-ча шера, гIалгIай паччахьалкхен 100 шу дузаш, кийча хургья царех цхьайола моттигаш. «Культуран гIулакха эшаш йола моттигаш тахан лакха тIахьожам бе безаш я вай мехка. 1993-ча шера хьакхеллача филармоне тахан, а ший доалахьа гIишло яц.

ХIанзалца из болх Амфитеатре хиннаб, таханарча дийнахьа из моттиг харцар кхерам болаш я, аьнна, кхы цул дикагIа йоацача гIишлон чу дIачубахаб филармоне болхлой. Культуран оагIув хьаллоацаш йола моттигаш дукхагIа хилар кагирхошта пайдане хургда», — аьлар вай Мехкадас. Эрсий драматически театра гIулакх, а аттачахьа даккха дезарех да.

Къаьнарча гIишло чу 400 саг мара чухошац. Магасе доазув къоастадаьд кердача гIишлонна. Кердача фусаме 650 сага Iоховша моттигаш хургья». Керда гIишлош хьалъяра тIехьа сайгара гIо дергда аз. Филармони, драматически театр хьалде укх шера дIаболалургба аьнна хет сона», — аьлар Гуцаранаькъан Микаила. Республике керда, йоккха дарбанче, музей, Эса тIа водозабор оттаяра проекташ дIайохьийтаргья вай хьакимаша федеральни моттиге.

«Наьсарерча паччахьалкхен музее ваха хилар со, дукха ха йоацаш. ГIишло геттара тиша я, ше дуаргдар диа яьнна дикка ха йолга, гуш да дIа-хьа хьежача. Лакха мах бола хIамаш Iооттае моттиг йоацаш, лармашка латт шоай, яхаш, леткъар цу чура болхлой. Цул совгIа, наха музее дукха хIамаш дIачутел, моттиг дикагIа яларе, кхы, а дукхагIа хургьяр уж. Музеера моттиг къе йоландаь, бахархой лоархIабац боккха лерхIам бола балхаш цу чу дIачутела», — аьлар Мехкадас.

Иштта цо белгалдир, таханара дарбанче унахошта готта йолга. Дуккхача наха моттигаш йола дарбанче эш республике.

«САФМАР» яхача проектага гIолла дукха гIишлош яьй тайп-тайпарча мехкашка. Лакха тIахьожам лоаттабу оаха хIара гIишло боаггIача боараме болх дIахьош хьалъергйолаш», — дийцар Микаила. Из гIулакх ма хетта дIагIоргдолаш, тоабан юкъеоза беза республикан паччахьалкхен болхлой, Паччахьалкхен Дума депутаташ.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде