Шеко яц, цу наха ловш дола таIазар цкъа соцаде дезаш хиларах. ХIара сага бокъо я, ший дезалла, кхерамзлен вахара Iалашо е. Вай Мохк, кIала биссача наха, эшаш дола новкъостал лоаттадеш хиннаб.

ГIалгIай Республика, цун бахархой массаза а кийча хиннаб новкъостал эшачунна накъа бахара», — аьлар региона кулгалхочо.

«Тахан шоаш, шерашка мел Iоадаьр дита, шоай фусамашкара бовда безача эттача наха новкъостал дара кийча я, ГIалгIайче а цунна Iаьдал а. Вай республике цу наха лаьрхIа чубаха моттигаш кийчъяьй, эшаш мел дола хьалаш а долаш.

Эггара лоархIамегIа дар да, берий хьашт довзаш хилар. Уж бераш, шоай даьшца-ноаношца, довда дезаш нийсденнад, цудухьа кхерам чубессаб цар дегашка.

Царна гонахьа сийрда, хоза хилийта хьажа деза вай, уж белабенна хургболаш оагIув лаца беза», — аьлар ГIалгIай Республика Кулгалхочо.