Республика кулгалхочо яхачох, республика хIара саг болх беш волча моттиге цу тайпара толамаш доахаш, ший балхаца бехктокхаме волаш, болх безаш, шийна тIадилла декхар дизза кхоачашдеш хилча, республика дегIайоалаяра а цун кхоане сийрда хилийтара йола Iалашо хургья.

Келматанаькъан Махьмуд-Iаьлас бIухочунна ялар «Россеца долаш 250 шу дизара» йола майдилг, иштта ГIалгIай Республика грамота, цо иштта белгалдаьккхар, цу балха тIа Султана кхы а толамаш доахаргхилар.

Белгалдоаккх, 2021-ча шера тау бетта, РФ къаман гварде бIуна Къулбаседа-Кавказа Урхалено, дIайихьар крапови берет лелаяра бокъо луш йола квалификаци.

Iарпенаькъан Султан цу даькъа тIа белгалваьлар, ший болх тIехдика бовзаш хиларах а еррига кийчояь хиларах а.

Келматанаькъан Махьмуд-Iаьлага ше кхайкаралдеш, ГIалгIай Республика Росгварде Урхален полковник волча Буружанаькъан Микаьила белгалдир, Iарпенаькъан Султана хьагойтача дикача тIема кийчоно, дIахо йодача хана а тIема говзал караерзаяра дика масала гойтар ший балха новкъосташта аьнна.

Цул совгIа, цо таро хулийт дIахо йодача хана тIехьа тIа доагIача ноахала шоай даьхе езара дика кхетам бала.