ГIалгIайчен Кулгалхочо телевидене болхлой даькъалбийцар профессиональни цIайца
В своем Обращении, посвященном Всемирному дню телевидения, Глава Республики Ингушетия Махмуд-Али Калиматов отметил, что, создавая честный образ плодотворно развивающейся Ингушетии, телевидение помогает решать вопросы социально-экономического развития родного края.
«Хьамсара ГIалгIайчен телевидене болхлой!
Аз даькъалдувц шо профессиональни цIайца!
ДIадахача шерашка ГIалгIайчен телевидене ший тайпара лар йитай, къаьстта кхоллама лар, хоза а, йовзаргйолаш а, россе телевизионни юкъарлонна лар я из.
Вай телевизионщикаш дика ховш ба деннара информационни сурт вIашагIдолла, цар лерхIам бе а, иштта царна баркал ала а деза.
Технически оснащенега а материальни таронга а хьежача, эггара чIоагIагIа укхаза мах оттабер СМИ я — хьинар а долаш, къахьегама тIера а болаш нах.
Уж ба режиссераш, журналисташ, корреспонденташ, телеведущеш, актераш, сценаристаш, художникаш, студе персонал.
Эггара вай республика отташ халагIча ханашка вай телевидене журналисташа шоашта могар дир сихача, профессиональни боараме хоам кхайкабеш, общественно-политически региона хьал довзийташ.
Тахан а профессе лакхача боарам тIа шоай болх дIахьош да шо, ГIалгIай Республика бахархошта эггара чIоагIагIа эшаш йола темаш хьалъайю оаш.
Вай мехка Президента В. В. Путина, таханарча ханарча телевиденена де карагIдоалар дувцача хана белгалдир, боккъонцахьа долча мехка вахарах бола хоам чIоагIа эшаш хилар.
Цу тайпара къахьегаш, телевиденена карагIдоал социально-экономически хьамсара мохк дегIабоалабара хаттараш кхоачашде.
Эггара чIоагIа ца хилча даргдоацаш эшар а да шугара ГIалгIайче наьна мотт лорабар.
Вай телевидене новкъосталду паччахьалкхен структурайеи бахархойеи шоайла бувзам лелабара никъ хотта, цо таро хулийт дукха бахача наха дагадоахкаш дола хаттараш кхоачашде.
Шоана дика гу масса оагIорахьарадар. Оаш хьадел наха дуненна кораш, оаша гойта наха культура, искусства, новкъостал ду юкъара декхараш кхоачашде. Эггара чIоагIагIа наха дагадоахкаш дола хаттараш хьалъэйде карагIдоал шоана.
Дькъалбувц аз телевидене болхлой профессиональни цIайца!
Массене а аьттув балба оашош лаьрхIачунга кхача, ираз, могашал, кхоллама котало хийла шунна, профессиональни дегIадоагIаш хилда шо!», — йоах ГIалгIай Республика Кулгалхочун Келматанаькъан Махьмуд-Iаьлас даьча кхайкарал тIа.
