ГIалгIайчен Кулгалхочо даькъаладийцар ишкол яьккха бераш, вахара кердача наькъаца
Глава Ингушетии Махмуд-Али Калиматов в своем добром и теплом напутствии от души поздравил выпускников школ с новым этапом их жизни, информировали газету «Сердало» в пресс-службе руководителя региона.
«Хьамсара бераш! Хьамсара дай-ноаной, хьехархой!
Дешара шу йистедаларца, аз даькъаладувц шо!
ТIехьа йисар безаме урокаш, зовне гургал бетта ха. Бакъда хьалха я — доккхагIча дешара халонаш, лоархIамегIа йола цхьа балха говзал харжар», — аьлар ГIалгIай Республикан Кулгалхочо телеграм-канале.
Ше кердача, къонача ноахалга кхайкарал деш, кердача вахара наькъ тIа уж боалаш хиларца дувзадаь, Келаматанаькъан Махьмуд-Iаьлас белгалдир, тахан дийша баьннарий йоккхий таронаш хилар, шоай вахара моттиг цар хьалоацаргйола никъ баьккха хилар.
Цо тIахьийхар къона мехкахой, цIаккха а даьхача толамаш тIа ца совцаш, шоашта хьалхашка доккхий декхараш увттадеш, уж кхоачашдара тIакхувш хила, аьнна.
БоккхагIболча дешархошта ловца баьккхар цо, ишкол йита дIаболхача наькъ тIа аьттув хилба шун, ираз хилда шун, аьнна.
