Украинерча тIема юкъе дакъа лоацаш болча бIухошта гIирс тегаш латт цига. Россе герзашцарча низех йолча министерствос 20 эзар пара маьчеш тега аьнна тIадилла гIулакх кхоачашдеш, 12 эзар пара иккаш тийга баьннаб уж. Цхьан дийнахьа 700 сага маьчеш тег цу фабрике.

«ТIема гIулакхах болча болхлоша хьааьннад, къаьстта бIухошта еш йола маьчеш мишта хила еза. ДикагIдолча тIоарсках, каучуках айраш деш, хьаю уж.

ТIайийха, никъ беш, хьежаб бIухой цар дикалга. Из болх йистебаьлча, кхыча тайпара кеп йола маьчеш хьае лерхI цига», — йоах хоамо. Шинна фабрико, Мехкадаь администраце тIадилла декхар кхоачашдеш, 500 комплект тегаргья бIухошта. ДегIа атта, дIайха барзкъаш царна тахан геттара эшаш да. «Могаш, маьрша болаш, шоай декхар дизза кхоачашдаь, цIенах кхеталба вай бIухой. Царна мел эшача хIаманга хьажар, вай массане декхар да!» — аьлар мехкадас Келаматанаькъан Махьмуд-Iаьлас.

Республикан кулгалхо хьежар хIамаш мишта хьатег, иштта складашка латтача хьадаь даьннача барзкъашка а.