«ХьалхагIа, керда шу хьатIадалехь, «Ингушетия» телевидене гIолла ГIалгIай Республикан кулгалхочун «Прямой линии» йолча хана, Махьмуд-Iаьлаца вIашагIкхетар чакхдаккхар дехаш вар Тоаркхой Руслан, из дувца лерхIаш вар регионе унахцIено яйначар хьал», — йоах хоамо.

ОСФСГ моттигерча отделене кулгалхочо шийна хьалхашка эттача ахчанца дувзаденнача халача хьала теркам тIаэзар, иштта дийцар къорабарий спортаца: армрестлингаца, греко-римски, лоIамеча латарца — дувзаденна хьалаш дегIадоаладеш хиларах, иштта кхыдолча хьалхашка латтача декхарех лаьца. Цхьадолча хаттарашта цу моттиге жоп а делар.

Келаматанаькъан Махьмуд-Iаьлас тIадиллар ГIалгIай Республика дегIайоалаяра Къаман фонда чотах уж бераш дIа-юха кхувла «Газель» эца, аьнна. Цар таро хургья, ГIалгIайче мероприятеш йолча хана, дIа-юха аха. Из доацаш а, дешара Министерствонна тIадиллар ГIалгIайчен даькъ тIа кулга оамалах таржам де нах Iомабар, хIаьта спорта Министерствон тIадиллар спортивни болх дIабахьара долча законо дIадехар кхоачашдар. Тоаркхой Руслана яхачох, цхьаболча дика гIулакхаш леладеча наха новкъостал даь хиларца, иштта организацей новкъосталца эшаш йола спортивни инвентарь Iалашъяьй, хIанз эшар тренировкаш дIакхахьара йола моттиг я.

«Къаьстта могаш боацарашта, новкъостал эшарашта вай гIо дергда», — аьлар Келаматанаькъан Махьмуд-Iаьлас.

Цу гIулакха оарцагIъяргья, могаш боацарашта новкъостал дара, дешийтара, балха оттабара гIо дергдараш, моллагIа хила веза, вIалла ший таро яр, цар оагIув хьаллоацаш, тIаккха хургба лерттIа толам.

Карарча хана царна машен эцара а спортивни зал хилийтара а дола декхар кхоачашдеш латт, ОВЗ чубоагIача наьха спорте дакъа лоацаш хила таро хургйолаш.