Мехка Кулгалхочо ший теркаме ийцад, бера духьала зулам дар
Глава Ингушетии Махмуд-Али Калиматов взял на личный контроль расследование преступления против ребенка, которое произошло при попустительстве отдельных служб и структур, в чьей компетенции находится работа по данному направлению, информировали газету «Сердало» в пресс-службе руководителя региона.
«Вай республике дIааларах саг цатешшал дола ийрча гIулакх нийсденнад. Шиш боацаш, вахара никъ нийса боацаш бахача дезале диъ шу даьннача бера духьала зулам даьд, из хIанз укх сахьате республикан берий дарбанче я, цун могашал меттаоттаяра лораш шоашта могар деш ба.
«Духхьал новкъостал дергда, аьнна, Iе йиш йолаш вац со укх наькъа. Вай массехк чIоагIагIа отта деза бераш къизала кIалхардахара, республикан берригача бахархой вахар кхерамзлен Iалашо йолаш хилийтара. Зуламхошта доагIаш дола таIазар дергда, аз дош лу шоана, законо дIадеххача беса из дергхиларах.
ХIанз аз ювцар даькъ тIарча инспекторгара, Iалашон болхлошкара, кхувш боагIарий гIулакха йолча инспекцегара, лоалахошкара, цу цIен гаргарча наьха оагIорахьара ца хинна терко я» , — аьнна, яздаьд ший телеграм-канале ГIалгIай Республикан Кулгалхочо.
Цо яхачох, цу гIулакха тIахьеха беза цу тайпан боккхагIбараш, дийша нах, цу цIен гаргара нах.
«Со тIахьожаш хургва из гIулакх доаггIача беса тахкара, тIехьа тIайоагIача хана кхы цу тайпара хIама нийслургдоацаш, цу деша бехктокхаме йолча моттигашка из болх ма барра дIахьой хьожаш.
Вай массане а къахьега деза, берригача бахархой вахар кхераме доацаш хилийтара. Со тешаш ва, из вайна карагIдаргда, аьнна, нагахьа санна цу тIа бокъоно дIадеххача беса къахьеге», — аьлар Келаматанаькъан Махьмуд-Iаьлас.
