Уж дезал бахаш болча Хабаровски края мехка, Рукъет геттара а боча я. Цо тIеххьара яьккха школьникий спартакиаде котало, цига геттара доаккхалдарца тIаийцар.

Цунна тешалдеш да ер дешаш: «Ер Хабаровски края кхалнаьха боксе хьалхара лакха толам ба. Яхьаш дIайихьаяр ерригроссийски боарам тIа, из доацаш а цига вIашагIйоллаш яр кагибарий сборни.

Рукъета толам баккхарца, региона кхалнаьха боксе, керда оагIув хьайиллар.

Баркал оал из хьехаш кечъяьча тренера Малюгин Александра, Бирюков Петра».

Уж Хабаровски края бокса Федераце викала дешаш да.

Яхьаш дIахьош хиннача Раменске, геза майдилг яьккхар цо, Хабаровски края Чемпионата боксах кагийбарашта юкъе яьккха котало яр из, цул тIехьагIа боксах ДФО Хьалхлен котало яьккхар цо 17-18-шу даьннарашта юкъе.

Спорта Министерстве кхетаче йолаш, цар цхьана даьккхача сурта тIа латтача зIамигача, хозача гIалгIай йиIий сурт тарлуш дац цу тайпарча спортаца, цхьабакъда оалаш да-кх, саг тIахьежача хеттача бесса хилац аьле, цун чурча уйланца дувзаде деза из.