Культуран цӀеношкара хьал довза араяьлар министр
07.09.2023 09:35
ГӀайрбик-Юртарча, Инаркъерча культуран цӀеношка хьажа яха хилар культуран гӀулакхах йолча министр Лаьнанаькъан Залина. «Культурни вахар» яхача федеральни, «Культура» яхача къаман проекташка гӀолла хьалдир ГӀайрбик-Юрта хӀанзолца вӀалла ца хинна культуран цӀа. Инаркъера культуран цӀа тоадеш, боккха болх баьб.
«Культуран цӀа хьаделлаш дола ди хьаотталехь, гонахьарча доазон тӀа лостам беш, моттиг тоаеш болх дӀабахьа беза, аьнна, хьалхадаьккхар министра. 200 сага лаьрхӀа йоккха зал хургья цига; кружокашта, кхыдолча балхашта лаьрхӀа кабинеташ тоаяьй. Инаркъерча культуран цӀен кораш хийцад, тхов тоабаьб, йӀовхал лоаттаергйола, фо чукхетаргдола керда моттигаш яьй.
Довзаргдоацаш, хоза тоадаьд цигара цӀа. ВӀашагӀкхетача наха паргӀатта Ӏоховша, кхетаче лерттӀа дӀаяхьа йиш йолаш хила деза культуран цӀенош», — дийцар тхога министерстве.
