Къаман проектех йолча контракташта 96,3% кулг яздаьд
![Къаман проектех йолча контракташта 96,3% кулг яздаьд](https://serdalo.ru/sites/default/files/pubs-images/2023/04/e578d0df428f580418370dd09ff4118a.jpg)
Правительство республики выполнило поручение Главы Ингушетии о подписании основного пакета контрактов по нацпроектам до 1 апреля, информировали газету «Сердало» в пресс-службе руководителя региона.
Кхетаче йолча хана, цох хоам бир ГIалгIай Республикан кулгалхочунга Келаматанаькъан Махьмуд-Iаьлага ГIалгIай Республикан паччахьалкхен а кулгалхочун а администрацей проектни болх лелабеча урхаллен кулгалхочо Малсаганаькъан Бек-хана.
«Юкъара хьаийцача, кулг яздаь контракташ 96,3% я, йиллача ханага хьежача, из болх дика дIабихьаб ала йиш йолаш а ба. Юхейисача 3,7 процентах бола болх а дIахьош ба, царна кулг язде ха хьатIакхаьчай.
ГIалгIайчен спорта, культуран, дешара министерствоша 100% кхоачаш контракташцара болх йистебаьккхаб, ГIалгIайчен автодора Министерствос-99,4%.
Кулг язде кийчъяьча 65 контрактах йистеяьннай 61», — йоах хоамо.
Юкъарлонна доазонаш тоадара долча каьхаташта кулг яздаьд мехка массадолча муниципальни даькъоша.
Келаматанаькъан Махьмуд-Iаьлас белгалдир, проектех дика хьокхамаш хилар, бакъда цу тайпара болх юха а ца соцабеш, дIахо дIабахьа безаш ба, из теркама юкъера ца боалийташ хила беза, 418 млн 259 эзар сомага кхаччалца.
«Кхерамза дика машена наькъаш» яха къаман проект 30% юкъерча боарамах Къилбаседа Кавказа даькъ тIа −23%, Российски Федераце гIолла-13,8% кхоачашъеш я, йиллача ханал хьалха.
ДIайихьача тIаьргах бола пайда 4 млн 200
эзар сом ба.
Белгалдаь маьхаш тIехьара тIа оттаяьча контрактах хургда.
«2023 шера къаман проект маьхалъяккхар лаьрххIа тIахьожам лоаттабеш да, цул совгIа ший ханнахьа хьа ца деш дисача белхех дола ахча тIехьагIа хургдац. Цу тайпара бехктокхаме оттаву къаман проект чакхйоаккха саг. ТIехьа тIадоагIача балха даькъо ший ханнахьа из хьабе бехктокхамегIа ву.
Къаьстта йола терко тIайохийт керттера дукъ тIадужача министерствошта: гIишлон, дешара, унахцIенон» , — аьлар цо.
Белгалдоаккх, 2023 шера ГIалгIайче дакъа лоацаш я 44 мехка проект. Вахара юкъейоалаеш, 12 къаман проекта чуйоагIаш я уж.
Карарча шера бекарга бетта кхоалагIча денга кхоачаш, белгалдаьд укх шера дIадахийта лаьрхIар 5 млрд 221 млн сом да, царех: федеральни ахча — 4 млрд 604 млн сом, республикан бюджетера — 617 млн сом.