90% хаттарашта жоп луш, наха белгалдир, дукхагIбола гIашлой «зебра» оалаш бола наькъа сома оаса уллача е светофор йоагача шоаш нийсбелча, хьал-Iо хьаже наькъал сехьабалац, дукхагIчар из дош вIалла теркал а дац. Уж дешаш теркалдераш, лорадераш дукхагIча даькъе ха яха нах ба. Из, советски хана денз, хьадоагIа цар.

40% дIакхоачаш болча наха белгалдора, машенаш йоагIача оагIорахьа а баьле, наькъа бIоахал цхьабола нах лелаш хилар. Цу тайпара хIама чIоагIа унзара да. Цул совгIа, машена наькъ тIа лелаш хилча, аьрда оагIорахьа хила веза, хIана аьлча букъ тIехьашка йоагIаш йола машен ца гуш хиларах, цунна кхерам бац из тIатохар. Дукха машенаш лелаш хилча, лоравалар эшаш да наькъа водача сага.

КхоалагIдола гIалат да, сага тIабувхача гIирса тIа сердал луш йола белгало хила езилга цар хьатIацаэцар, вайна цунах дош ца хета а, цо дикка новкъостал ду йоагIача машена вай бIаргагургдолаш. ДукхагIча наха Iаьржа барзкъа дукхагIа дезаш хул, бакъда цу бесо машенаш тIа багIарашта башха хIама бIаргагойтац.