ГӀалгӀай къаман
юкъара газет

ГӀалгӀайчен бокъонаш лораеча сага газа гӀулакхаца дувзаденнача харцдарашта сунт техар

Шолжа-Шахьара вахархо, газови гӀулакха тӀарча болхлоша шийна ахча нийса теха цахилара раьза вацар. Газа болхлоша лаьрхӀар, газа счётчикага ца хьожа дукха ха я, цудухьа ахча а иштта дала дезаргда, аьнна. Бакъда Шолжа вахархочо, из нийса цахилар ларде а лоацаш, дӀаховаха лаьрхӀар ший бокъо яккхара, цудухьа ГӀалгӀайче сага бокъонаш лораю викал волча вахар из.

«Счётчикага хьажа веза ха тӀехъялалехь, 2023 шера бекарга бетта со вахар Шолжа кхален абонентски даькъ тӀа, сайна цар контролёр вайтарга сатувсаш. Бакъда цу шера, шозлагӀа со вахача мара, газа викалаша из болх дӀабахьанзар. Хьежачул тӀехьагӀа, гуш хилар, счётчик технически оагӀорахьа ший хила езача боараме йолга.

ХьалхагӀа нийса доацаш хьатеха хинна ахча юхадала дезаш яр из служба, бакъда из цар даьдац, цу тайпара са абонентски чота тӀа ца боагӀаш бола мах хьаӀайнаб. Цунца дувзаденна сай бокъо меттаоттаяр дех аз», - аьлар цо, ше сага бокъонаш лораяра викалга яздаьча каьхата тӀа. ГӀалгӀайчен сага бокъонаш лораяра викала аппарата, паччахьалкхен вахара инспекце, газ лелаярах доалла декхар нийса хьожадаь цахилар гучадаьккхар, газа счётчика тӀа латташ дола йоазув цу юкъе цахилар а белгалдаьлар.

ТӀахьожама болх дӀабихьачул тӀехьагӀа лаьрхӀар, юкъе нийсденна кхоачамбоацараш юстардаха, цу тайпара «Газпром межрегионгаз Наьсаре» ООО болхлоша газах боагӀа мах нийса дӀалархӀарца, этта хьал а дӀанийсделар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде