ГӀалгӀай къаман
юкъара газет

СКФО эггара кIезигIа декхар вай республикага доал

Северо-Кавказский федеральный округ, по итогам 2022 года, задолжал госказне России 71,5 млрд рублей, следует из данных Министерства финансов РФ.

ДIадахача шерга диллача, эггара дукхагIа декхар тIалаттар Ставрополь яха шахьар яр − 29,7 млр сом. Цу хана хинначул 2,8% дукхагIа хьаIайнад декхар укх шера.

Цунна тIехьа латт Селий мохк — 11,6 млр сом. 2021-ча шера хинначунга хьежача, 40% лакхденнад из карарча хана. Цар массане гIулакх дицдеш ба хIирий мохк.

Паччахьалкхен ганзá цо дIачудала деза декхар 8,7 миллиардага кхаьчад. ДIадахача шера хинначул, 26% дукхагIа хул из. 2021-ча шера хинначул, 3% дукхагIа хинна, 7 млр сомага кхаьча латт балкхарой мехкага доаллар. Нохчий мохк хьаийцача, декхар эггара дукхагIа цунга доалл, 77%-ал тIехдаьннад из. 2022-ча шерга диллача, цунна тIалатта декхар 6, 4 млр да.

Черсий мехко дIатакха дезар таханарча дийнахьа 5,8 млр да. 13,7%-га кхоачаш, лакхденнад из дIадахача шера. Ерригача моттигашка хьежача, вай республикага доалла декхар эггара кIезигагIа да, 2,6 млр сом да вай дIадала дезар. ТIехьарча кхаь шера 5,6 млр декхар Iодаьннад вайна тIера.

2022-ча шера вайна тIалаьтта ахча 700 млн дукхагIа хиннад, хIаьта Къилбаседа Кавказá чуйоагIача ерригача моттигашта тIалатта декхар 10 млрд дукхагIа хиннад.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде