«Спектакль гойтаргья Наьсарен шахьара культуран цӀагӀа. Цига го йиш хургья гӀалгӀай ширача заманцара юртара вахар. ДӀаяхача заман чухь хиннача, чӀоагӀденна доацача вахаро, цхьан кога тӀа даланза латтача хьало, массе оагӀорахьара наьха йоацача тароно цецвоаккх хьожаш вар. Жанхота - ворхӀ виӀий даь, цӀен-даь вахар хӀаравар шийна вах яхача уйлах латташ да. Жанхот, цун къонгаш бӀаьхий а кура а ба. Юхе бахаш бола юртхой, фу даь шоай вахара хьалаш тоадергда ца ховш, хала бахаш ба…», - аьлар «Сердало» газетага ГӀалгӀайчен паччахьалкхен драматически театре. Мехкахой таро хургья, начӀал долча драматически йоазон, иштта режиссёра говзамеча балха, цу ханарча наьха вахаре мел хиннар хьажархочунна довзийта ховш болча актёрий балха мах бе.