Чахкинаькъан Саида пьесах спектакль оттаергья къаман театре
Несмотря на ограничения, связанные с эпидемиологической ситуацией, Ингушский государственный драматический театр им. Идриса Базоркина все это время работал над новыми проектами, с нетерпением ожидая встречи со своим зрителем. Сегодня здесь сдавали спектакль «Яма» по пьесе известного ингушского драматурга Саида Чахкиева.
Таханарча дийнахьа театра къахьегамхоша шоай кхоллам безарашта хержай Чахкинаькъан Саида «КIоаг» яхача пьесах кийчъяь спектакль.
«Къаьстта цу пьесах оттаяь спектакль тахан театра сцена тIа геттара эшаш я. ХIана аьлча, цу чу дувц карарча хана массане сатем боабаь даьржа латтача наркомани яхача лазарах. Ховш да, дукхагIа цу унзарча кIоаго чуозараш кагирхой болга. Цунга хьежжа, таханарча заман эггара воккхагIа вола моастагI хинна дIаэттад из харцача наькъ тIа баьннарий лазар. Цу сага шийна санна, цун цIагIа мел волча сага йоаккха гIайгIа халий дIаотт наркомани», — аьлар ший къамаьла юкъе Культурах йолча министерстван кулгалдеча Льянанаькъан Залинас.
Спектакль кийчъеча белха хьалха лаьттар вар режиссер вола Галай Мурад. Белгалде деза, Чахкинаькъан Саида пьесах спектакль тахан хьалхара кичъяь йоацалга. Актераша хозахеташ ловзаяьй цун белхашкара ролеш. Къулбаседа Кавказа регионашка санна, Россе кхыйолча субъектий сценаш тIа хьийкхай цIихезача драматурга пьесах оттаяь спектаклеш.
