ГIалгIайчен паччахьалкхен филармони кийчлуш я ший 30 шу даларца дувзаденна концерт дала
30.08.2023 15:48
Карарча шера 30 шу даьннад ГIалгIайчен Хамхой Ахьмада цIерагIча паччахьалкхен филармоне. Цунна хетадаь кийчдеш да доккха концерт, из хургда тов бетта 15-ча дийнахьа республикан столицерча Алания оалача майдан тIа. Карарча хана цунга кийчо еш я.
Цу концерте дакъа лоацаш хургба дикагIбола республикан искусствай дикагIбола говзанчаш, иштта лоалахарча республикера хьаьший.
Массаболча режиссёрашца, солисташца, артисташца дагайоалаш, болх дIахьош я Iаьленаькъан Iайна, цу концертага кийчо яр духьа.
Цхьа моттиг юкъе ца юташ, дерригача концерта куц дагахьа Iомадаь даьннад ала йиш я, юбилейни концерт дикача боараме дIадахьара», — аьлар «Сердало» газетага ГIалгIайчен культуран министерстве.
