«Росси» яхача гойтаме-кхетаче латтача стендага хьежар Йеменера хьаьший
01.03.2024 11:43
Премьер-министр, доазол дехьарча гӀулакхий министр вола Ахьмад бин Мубарак ГӀалгӀайчен стендага хьожаш хилар «Росси» яхача гойтаме-кхетаче. Из хоам «Сердало» газетага бир паччахьалкхен зарбан болх лелабераша. Йеменера баьхкача викалашта йовзийтар вай къаман культура, истори.
Сага хьсиперча гӀовна тӀера хьаийца, лоаман наьха гӀирс бола кхаькхах яь кий шийга мишта тов хьежар Ахьмад бин Мубарак. Гаьнара венача везача хьаьшанна делар вай мехкахоша даьккха цӀена модз.
«Ахьмада бин Мубарака белгалдир, Йемене а доахилга цӀена модз. ГӀалгӀай мехкарча меза чама тара бий хьажа лаьрхӀар цо, Йемене даьккхача меза чам», - дийцар республикерча паччахьалкхе.
