«Росси» яхача гойтама-кхетачен хьаьший, гӀалгӀай халхар Ӏомадеш ба
26.02.2024 10:00
«Росси» яхача гойтама-кхетачен хьаьший, чӀоагӀа хоза хеташ, гӀалгӀай къаман халхар Ӏомадеш бар. Из хоам тха «Сердало» газетага бир Москверча вай массазарча викалаша.
«Спорта денна хетаяь, къаман халхар, гӀирс, ашараш йола культуран программа гойтар вай мехко. ГӀалгӀайчен стенда юхе, къаман халхар хьокхаш болча халхархошца гӀалгӀай халхар Ӏомадеш кхестар цхьаццабараш, чӀоагӀа чам тӀабаха», - йоах тхогарча хоамо.
ГӀалгӀай къаман халхарцара кӀоаргаленаш, кулг дӀадахийтар мишта хила деза Ӏомадеш бар Россе тайп-тайпарча миӀингашкара гулбенна хьаьший. Цу гойтамо хьахьокхар, мел бӀаьхий, шера ба вай боккха мохк, Россе къамий культура.
