«Уж я хьалхарча аргIах эшаргйола хIамаш: молаш дола хий, цIенонна гIирс, сомаш», — аьлар ГIалгIай Республика Кулгалхочунна, Правительства пресс-службе.

Гуманитарни новкъостал гулдаьд, вай мехка шоай доалахьара хIама леладеш болча наьха а, иштта Даьла а новкъосталца.

Россе Президента Владимир Путина, саькура бетта 21-ча дийнахьа, Донецки Лугански республикаш хьатIаийцар. Цар кулгалхошца, кулг яздаь, чIоагIдир юкъера барт лелабара каьхаташ. Путина, Российски Федераце арахьарча гIулакхий Министерства тIадиллар ДНР, ЛНР дипломатически гIулакхаш леладар, хIаьта Россе тIема низа духьала оттара йолча Министерствана -цар доазон тIа, машарца Iалашо хилийтар.

Таханарча денга кхоачаш, Россе, 70 регионаша Донецкера, Луганскера тIемах кIалхарбаьнна баьхка, нах тIаэца шоаш кийча хиларах аьлар.

Царех эггара хьалха ший новкъостал дIакхайкадир ГIалгIай Республика Кулгалхочо Келматанаькъан Махьмуд-Iаьлас.

Цо аьлар ДНР, ЛНР республикаш тIаэцара ди, исторен ди да аьнна.

«ГIалгIайче а цунна бахархой а даима кийча ба, кIалвиссачоа новкъостал де. Тахан тхо кийча да, шоаш мел Iоадаьр дита, тIемах бейдда баьхкача наха новкъостал де. Царна лаьрхIа кийчъяь моттигаш я республике, эшаш мел дола хьалаш а хургда», — аьлар Мехкдас, ший Инстаграме.