ГӀалгӀай къаман
юкъара газет

Кердадараш

Ил-76 яхача фецарча кемаца вайцигара новкъостал дахьийтар Эль-Арише

Египтерча шахьаре Эль-Арише, вай республикера гӀо ийца дахар фецара кема. Массехк тоннах латта новкъостал дахьийтар вай мехкахоша. Из хоам «Сердало» газетага бир республикан кулгалхочун зарбан болхлоша.

«Тахан Газе латташ дола хьал вайна массанена Ӏаткъаш да. МЧС кемаца из новкъостал дохьийташ доккха гӀулакх лаьцар бахархоша, Даьла духьа гӀо деш лелараша. Дог лазаш, ураэттаб уж нах тахан, цу мискашта гӀо де.

Теша лов, Газерча наьха хьал цхьа кӀеззига мукъагӀа вай яхьийтача хӀамаша аттагӀа дергхиларах», - белгалдир вай Мехкадас. Моттигерча паччахьалкхено хьаллоацаш дӀадихьа дика да из. Палестинерча наха яхьийтар эггара чӀоагӀагӀа эшаш йола хӀамаш: ювргӀаш, метташ, берий даар, тайп-тайпара кхача.

Египте къоастадергда, Газе хьанга дӀакхачийта деза из новкъостал. Из беркате гӀулакх кхы а дӀаходахьа лерхӀ вай мехка. РФ массахана хиннай; бехача, халача хьале эттача наха гӀо деш. Цхьан кӀираи ах кӀираи 27 млн ахча, 104 тонн хӀамаш гулйир вай республике.

Царна юкъе да чаьтараш, пешкаш, генератораш, могаш боацача наха эша вордингаш, иштта кхыйола хӀамаш. Берашта ловзоргаш, язде, деша хӀамаш йохьийтаргья цига. Деррига дӀалаьрхӀача, 180 тонн хӀамаш яхьийтай Палестинерча наха.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде