«Магас» ГУПе дика толамаш даха лерхI карарча шера
Сегодня замминистра сельского хозяйства и продовольствия республики Илез Келигов побывал в ГУПе «Магас», посмотрел хозяйство, пообщался с его директором Тамерланом Измайловым.
Таханарча денна ка бола ялат, коартолаш, баьцадаараш, хьажкIаш, шекардоакхаш йола бурак кхееш бола боахам дика дегIабоагIаш ба.
ГУП кулгалхочо яхачох, укх шера дика кIина хьувкъам чуэца лаьрхIа ба уж.
— IанакIала дIадув ялат дIадийнад 150 гектар. Кхоачамболаш догIаш латтарах, тхоай ханнахьа бIаьстанара удобренеш тохара балхаш дIадахьарах, из дика хьатIадаьннад, цудухьа дика хьувкъам чуэца лаьрхIа да тхо, -аьлар боахама дас.
Цул совгIа, «Магас» ГУПе шекар доккха бурак, коартолаш, баьцадаараш, хьажкIаш дIайийнай.
— Укх шера, массехк шера хьалхара кхыйолча культурал совгIа оаха дIайинай шекар доккха бурак, -аьлар Измайланаькъан Тамерлана. Ялат дIадера дола балхаш йистедаьннад. ХIанз аргIанара кхаштIара балхаш дIадахьа кийчлуш да тхо. Массехк ди даьлча удобренеш тохаргъя, макхабоакхаргба, цул тIе ялат чуэца ха а хьакхоачаргъя.
