ГӀалгӀай къаман
юкъара газет

Кердадараш

ГӀалгӀайче 85% паччахьалкхен программашта лаьрхӀа ахча дӀадодаш йола моттигаш белгалъяьй

ГӀалгӀайчен паччахьалкхено хоам бир, мехка 85% контракташ чӀоагӀъяьй, тайп-тайпара йола паччахьалкхен программаш кхоачашъе аьнна хьахьожадаьча ахчанца ювзаенна. Карарча шера лаьрхӀараш я 29 паччахьалкхен программа, шийна чу 44 кхыйола программаш а йоагӀаш. Таьрахьашка диллача, уж паччахьалкхен программаш кхоачашъяра дӀадахийта лаьрхӀа ахча да 11 млрд 147 млн сом, цунах 10 млрд 619 млн сом федеральни ахча да,528 млн сом республикан бюджетера да.

Паччахьалкхен программаш кхоачашъярца хетта контракт чӀоагӀъяр лоархӀаме а чоалхане а болх ба, дикка уйла тӀаяхийта езаш а ба. Иштта дале а, оаха из декхар кхоачашдаьд, доаггӀача беса из ахча дӀагӀоргдолаш контракташ чӀоагӀъярца а иштта кассе гӀолла беча балха толамаш лакха хургдолаш а. Цудухьа дукхагӀа дола ахча дӀадодача балха лард чӀоагӀъяьй, яьннай ала йиш йолаш я. Из вӀаштӀехьадаьлар моттигерча массайолча къахьегма тоабаша, Ӏаьдала болхлоша шоай мел дола хьинар, низ тӀабахийтарах. Тахан вӀаштӀехьадаьннад хьахьожадаь ахча доаггӀача беса дӀадахийта а паччахьалкхен программаш дӀахо кхоачашъе а, цо ший аргӀагӀа таро хулийтаргья вай мохк чӀоагӀагӀа а хозагӀа а хилийта», - аьлар ГӀалгӀайчен паччахьалкхен председатела Сластенин Владимира. ГӀалгӀайчен Кулгалхочун администраце, паччахьалкхен проектах дола балхаш леладара йолча урхаллен кулгалхочо Малсаганаькъан Бек-хана яхачох, паччахьалкхен программаш кхоачашъяра долча дерригача ахчах контракташ чӀоагӀъяьй 9 млрд 382 млн сома (84%). Кассе гӀолла чакхдаьннад 7 млрд 994 млн сом (е 72% дӀадахийта лаьрхӀача ахчах). ГӀалгӀайче дика дегӀайоагӀаш я социальни оагӀув, транспорт, мехка гӀишлош хьалъяра оагӀорахьа дӀахьош боала болх. Карарча шера уж декхараш кхоачашдара 260 кхетаче дӀахьоргья. Царех цхьа масал да «Дешар дегӀадоаладар» яха паччахьалкхен программа, из бахьан долаш ГӀалгӀай республикан гӀишлон Министерствага гӀолла хьалъеш я, деша даха ха йоацача берий 13 гӀишло. Цул совгӀа, дикка тоаяьй дешара 16 урхалле. Федеральни инвестицей программо таро хилийтар Паччахьалкхен филармони хьалъе йолае - ГӀалгӀайчен столицан йоккхагӀйола культуран гӀишло я из. Цу юкъегӀолла Шолжа-Шахьаре хиш цӀендеш йола гӀишлош а я хьалъеш, уж а инвестицей чотах еш я. Эггара лоархӀамегӀа дар да паччахьалкхен программанна юкъе, наьха вахара хьал тоадар хилар. Юрташка бахача наьха вахара хьалаш тоалуш доагӀа, 3 шергара 7 шерга кхаччалца ха яьнна бераш долча фусамашта, берашта йолча Ӏалашон лаьрхӀа ахчаш тел, иштта хьабе болх боацарашта социальни ахча лу, цул совгӀа новкъостал лоаттаду цхьаболча наха.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде