Гӏалгӏайче керда кафеш, ресторанаш дукха хьаеллаш латт
Гӏалгӏайче мехка гӏолла хьалхара моттиг дӏалоацарех цаӏ я, кхачан даькъ тӏа зӏамига бизнес хьаелларга диллача. Шера цу тайпара моттигаш 40% дегӏайоагӏаш я. Говзанчаша яхачох, из болх кхы а совбоалаш хургба дӏахойодача хана. Цу даькъ тӏа керттера моттиг дӏалоацаш да чура туризм дегӏайоагӏаш хилар. 2025 шера, республике 125 эзар хьаьша вера. Уж ба Гӏалгӏайчен истори, культура, ӏадаташ довза ловш бараш. Цо хьакхолл даара керда моттигаш, дегӏайоалаю зӏамига бизнес - йоккхача ресторанашкара зӏамигача дезала бизнесага кхаччалца йола моттигаш, къаьстта туризм хилар бахьан долаш лелаю уж.
«Доалахьара хӏама хьадерий бокъо я шоашта пайда бахьаргба, аьнна, хеташ дола хӏама дӏадоладе, кхетаченашка даараш лоаттаде, шоашца наькъа хьаэцаргдола даараш кийчде, уж кийчдара йола моттигаш хьаелла. Керттердар да, дӏадехачоа жоп луш цар дикал хилар, маьха лакха цахилар. Шу чакхдоалаш, зӏамига, юкъера бизнес лелаераш хилар 7,5 эзар, шоай хӏама леладераш-29,4 эзар саг. Уж ба шоашта мегаш дола хӏама хьахоржараш, уж хьож шоашта цу даькъ тӏа фу карагӏдоал. 2026 шера зӏамига, юкъера бизнес хьаллацара республике 319,4 млн сом дала лаьрхӏад. Царех 312 млн сом дӏадохийтаргда технопарк хьалъеш - юхедисар дӏалургда «Са бизнес» яхача Центра, цо хоамий - консультаце хьалаш лоаттаду, иштта дӏаболалуш болча предпринимателашта новкъостал ду», - аьлар Гӏалгӏайчен кулгалхочо Келаматанаькъан Махьмуд-Ӏаьлас.
Цо яхачох, уж нах юххьанца хьаллоацаш деш дола новкъостал да из.
Республикан кулгалхочо белгалдир паччахьалкхен керттера декхараш - бизнеса новкъостал дар, администраце оагӏорахьа хьадехар лаьгӏдар, цӏена, къаьга гӏулакх леладар. Цо иштта аьлар, бизнес лелаяр шоайла бувзам болаш, дикал лакха йолаш хила деза.
Келаматанаькъан Махьмуд-Ӏаьлас баркал аьлар, цу даькъ тӏара болх лелабеча викалашта, республикан экономика дегӏайоалаеча цар дакъа юкъедахьаш хиларах. Цо белгалдир, цхьана болх дӏахьош хилча, зӏамигача бизнеса таронаш лакхача боарам тӏа яргья, республикан вахархочунна лоаттадеш дола хьалаш а дикал йолаш хургда.
