«Къонача эскархой столица – 2027» яха цӏи яккхара тӏехьа, къахьегаш я вай республика
«Къонача эскархой столица – 2027» яхача Ерригача Россе яхьашка къахьегара тӏехьа толашагӏа йолча бархӏ региона юкъе йизза моттиг дӏалаьца я тахан вай республика. Даькъастен моттигашта юкъе дикка белгалъяьлар вай республика, 727 сага кхадж тӏехьа хиларах.
«Сердалога» бенача хоамах, Ерригача Россе къамий хоржамий шоллагӏча оагӏонцара болх дӏаболабенна, кхыйолча ворхӏ моттигаца хьалхаленга кхача гӏерташ къахьегаш ба вай мохк.
Яхьашта хьалхалаттараша теркалду, юххьанца хьаӏайна баллаш дӏахо тӏера дӏадоалилга, цунга хьежжа, хьалхагӏа хоржам баь хиннараша цӏаькхаза а шоай оаз дӏалуш болх дӏабахьа беза.
Из чӏоагӏа лоархӏаме да тахан! https://vote.yunarmy2027.ru/ адресах яхьий керттерча портале вай республика хьаллаца дӏатӏавала веза. Лайчилла бетта 25-ча денга кхаччалца яхьаш дӏайихьа, хоржаргба котбаьннараш.
