Наькъаш тоадеш, боккха болх дӀабахьа кийчлуш ба республике

Наькъий хьал тоадарах йолча къаман проектага гӀолла 11 моттиге болх дӀабахьа кийчлуш ба мехка. Республикерча наькъий хьал дикка тоадеш, хургья из беркате проект.
Укх шера, шин даькъа бийкъа, дӀахьоргба из болх. Тоабергба СоагӀапченна дӀатӀаотташ бола никъ, «Шолжа-Шахьар-Горагорск, МагӀалбикера (Пхьилекъонгий цӀерах бола урам) никъ, «СурхотӀе - Алхасте» яхар, Эбарга-Юрта дӀатӀаотташ бола никъ.
Цул совгӀа, тоаде лерхӀ «Кавказ» яхача наькъ тӀара Шолжа-Шахьара дӀатӀабода никъ, «Кавказ» яхача наькъа юхера Вонючка яхача хин лакхера тӀий, Эбарга-Юртара ДжабагӀанаькъан цӀерах бола урам, «Наьсаре - Юкъера Ачалкхе» яха никъ, «Кавказ- ГӀажарий-Юрт – Оалкам – ТӀаргам - Чми» яха никъ, «Илдарха-ГӀала-Яндаре» яхар. Вай мехкадас Келаматанаькъан Махьмуд-Ӏаьлас белгалдир, хӀанзолца хьаяхьаш хиннача «Кхераме доаца дика наькъаш» яхача проектага гӀолла республикерча наькъий хьал дикка меттаоттадаьлга.
«Наькъаш тоаде аьнна хьакъоастадаьр 4 млрд совгӀа ахча дар. Из деррига рузкъа дӀатӀадохийташ, болх чакхбаьккхаб йиллача ханал хьалха»,- аьлар республикан кулгалхочо. Белгалде деза, вай мехкара 85% наькъаш боаггӀача боараме эргадаьха латтилга.