ГIалгIайче кийчлуш, «Дошо ГIала» яха юбилейни кинофестиваль хьаелла
ГIалгIайче кийчлуш я, «Дошо ГIала» яха Халкъашта юкъера кинофестиваль хьаелла. Укх наькъа, дуненна бархI мехкара 90 гаргга фильм гойтаргда цига, яхаш, дийцар «Сердало» газетага ГIалгIай Республикан культуран Министерствос.
«Балха кIира йистедоалаш, ГIалгIайчен журналисташ гуллургба, кино даккхара даькъ тIа нийслуш дола хаттараш дувца.
Юбилей хилара хетадаь, гIалгIай кинематографе викалаш юкъе болаш, фильмаш гойтаргда, цу юкъе ГIалгIай Республикан халкъа артист Мамилганаькъан Сулумбик, Российски Федераце цIихеза артистка Янданаькъан Тамара йолаш», - аьлар хоамо.
Белгалду, цу яхье 52 документальни, 15 ловзара, 20 лоаца фильмаш хургда, яхаш. Царех 17 Къилбаседа Кавказа федеральни куран чудоагIача мехкаша даьха фильмаш да, царех пхи болх ГIалгIайчен культуран болхлоша хьакхеллаб.
