ГӀалгӀайче кийчлуш я, хьалхарча новкъосталах йолча Ерригроссе чемпионатага
ГӀалгӀайче дакъа лоацаш хургья, Москве дӀахьош йолча хьалхарча новкъостала Ерригроссе чемпионате, яхаш, дийцар «Сердало» газетага ГӀалгӀай Республикан берий, кагирхой Ерригроссе болама отделене зарбан болх лелабераша.
«ГӀалгӀай Республикера цига гӀоргба «Хьалхарчар болам» ВДДМ доакъашхой. Из дӀаяхьа езаш хиларца дувзаденна, къонача юкъарлонхоша семинар чакхъяьккхар, из йир, «Российски ЦӀеча ЖӀарга» моттигерча отделене хьал а лоацаш, болама болхлоша.
Ӏомалуш бола болх беш, берашта довзийтар тайп-тайпарча хьалашка нийсбеннача наха хьалхара новкъостал мишта де деза, дегаца, пехкашца дувзаденна хьал хьалхарча аргӀагӀа мишта тоаде деза, хьалхара лорий сиха новкъостал дехар мишта хила деза. Иштта каст-каста могаш боацараша е цар гаргарча наха деш дола гӀалаташ малагӀаш да а дийцар, - йоах хоамо.
Белгалду, хьалхара новкъостал дарах йола чемпионат хургья лайчилла бетта 18,19 деношка, цига дакъа лоацаш хургба Российски Федераце 89 моттигера нах.
